Жил бүрийн 08 дугаар сарын хоёр дахь долоо хоногийг “Эрүүл мэндийн ажилтны өдөр” болгон тэмдэглэж, хүн ардынхаа эрүүл мэндийг сахин хамгаалах үйлсэд үнэтэй хувь нэмрээ оруулж байгаа албан хаагчдаа алдаршуулдаг уламжлалтай.
ЭМДЕГ-ын зарим албан хаагчид Эрүүл мэндийн салбарт олон жил үр бүтээлтэй ажилласан хөдөлмөр, бүтээлээ үнэлүүлж Төрийн дээд одон медаль, салбарын шагналуудаар шагнагдсаныг ЭМДЕГ-ын дарга Л.Бямбасүрэн гардууллаа. Тухайлбал,
- Хөдөлмөрийн гавъяаны улаан тугийн одонгоор ТҮЧТХГ-ын ахлах мэргэжилтэн М.Адилзаяа,
- Эрүүлийг хамгаалахын тэргүүний ажилтнаар Говь-Алтай аймаг дахь ЭМДХ-ийн дарга Б.Энхцэцэг, БТГ-ын мэргэжилтэн Б.Сэргэлэн, Өвөрхангай аймаг дахь ЭМДХ-ийн мэргэжилтэн Ц.Халтархүү,
- Эрүүл мэндийн яамны жуух бичгээр ОНХХ-ийн ажилтан Б.Жигжидсүрэн, Тамгын газрын үйлчлэгч Л.Шижиртуяа, Архангай аймаг дахь ЭМДХ-ийн мэргэжилтэн Д.Мөнх-Эрдэнэ,
- Монголын залуучуудын холбооны “Хөдөлмөрийн алдар” медалиар ОНХХ-ийн мэдээллийн ажилтан Г.Батнасан нар тус тус шагнагдлаа.
Салбартаа үр бүтээлтэй ажиллаж эрүүл мэндийн даатгалын үйл ажиллагааг иргэн-даатгуулагчдад хүндрэлгүй, түргэн шуурхай хүргэн ажилладаг ажилтан, албан хаагчдадаа баяр хүргэж цаашдынх нь ажил, үйлсэд их амжилтыг хүсэн ерөөе!
