Эрүүл мэндийн даатгалын ерөнхий газартай гэрээ бүхий нийт эмийн сангууд 2025 оны гэрээний биелэлтийг дүгнэхэд шаардлагатай материалыг бүрдүүлэн, заасан хугацаанд ирүүлнэ үү.
Үүнд:Орон нутагт үйл ажиллагаа эрхэлж буй гэрээ бүхий эмийн сангууд 2025 ОНЫ 12 ДУГААР САРЫН 12-ны өдрийн дотор материалаа бүрдүүлэн харьяа Эрүүл мэндийн даатгалын хэлтэст;
Нийслэлд үйл ажиллагаа эрхэлж буй гэрээ бухий эмийн сангууд 2025 ОНЫ 12 ДУГААР САРЫН 12-ны өдрийн дотор emiinsan2025.emd@gmail.com цахим хаягаар ирүүлсэн байна.
Заасан хугацаанд материал ирүүлээгүй, хугацаа хоцроосон болон шаардлага хангаагуй дутуу материал ирүүлсэн тохиолдолд материалыг хүлээн авахгүй, гэрээг дүгнэхгүй болохыг анхааруулъя.
Мэдээлэл авах хаяг: Улаанбаатар хот, Хан-уул дүүргийн 20-р хороо, Чингисийн өргөн чөлөө, ЭМДЕГ өөрийн байр
Холбогдох утасны дугаар: 70101153 , 70101699
Гэрээ бүхий эмийн сангийн гэрээ дүгнүүлэхэд бүрдүүлж, ирүүлэх материалын жагсаалт:
1. Улсын бүртгэлийн гэрчилгээ /ар, өвөр 2 тал/
2. Тусгай зөвшөөрлийн хуулбар [ар, өвөр 2 тал/
3. Нийгмийн даатгалын шимтгэлийн 9, 10, 11 сарын НД-7 тайлан
4. Нийгмийн даатгалын шимтгэлийн 9, 10, 11 сарын НД-8 тайлан
Жич: /НД-7 болон НД-8 тайланг Цаасаар хүргүүлдэг бол эх хувиас нь сканердан ирүүлэх хэрэв Тоон гарын үсгээр илгээдэг бол QR кодтой тайланг pdf форматаар ирүүлнэ/.
5. Эмийн сангийн хүний нөөцийн мэдээлэл. (Тус мэдээллийг эксел хэлбэрээр бөглөн ирүүлнэ.)
Эксел файлыг ЭНД ДАРЖ ТАТАЖ авна уу.
Тайлбар:
Нийслэл дэх эмийн сангууд:
ü 1-4 хүртэлх жагсаалтад хамаарах мэдээллийг дэс дарааллын дагуу дугаарлан 1 PDF файл болгоно.
ü PDF файлыг эмийн сангийн нэрээр rename хийж, нэрлэнэ. (Жишээ нь: Ар тором эмийн сан)
ü 5 дах “Эмийн сангийн хүний нөөцийн мэдээллийг эксел хэлбэрээр файлаар ирүүлнэ.
ü Эксел файлыг эмийн сангийн нэрээр rename хийж, нэрлэнэ.(Жишээ нь: Ар тором эмийн сан)
ü Бүрдүүлсэн материалаа 2025 оны 12 дугаар сарын 12-ны өдрийг дуусталх хугацаанд emiinsan2025.emd@gmail.com цахим хаягт илгээхдээ Subject хэсэгт Эмийн сангийн нэр, утасны дугаар-ыг кириллээр бичнэ. (Жишээ ны Ар тором эмийн сан, 99******)
ü Тухайн эмийн сангийн цахимаар илгээсэн материалыг хүлээн авсан тухай хариу и-мэйл 24-48 цагийн дотор илгээх бөгөөд хариу хүлээн аваагүй тохиолдолд 70101153, 70101699 дугаарт холбогдон тодруулна уу.
Орон нутаг дахь эмийн сангууд:
· 1-5 хүртэлх жагсаалтад хамаарах мэдээллийг дэс дарааллын дагуу дугаарлан бэлдэж, 2025 оны 12 дугаар сарын 12-ны өдрийн дотор харьяа Эрүүл мэндийн даатгалын хэлтэст хүргүүлнэ.
Анхааруулга:
Материалыг зааврын дагуу бүрдүүлэн цахим хаягт илгээхийн өмнө дахин нягтлан үнэн зөв эсэхэд тухайн байгууллагын холбогдох албан тушаалтан, удирдлага хяналт тавих шаардлагатай бөгөөд хугацаа хоцроосон, буруу, дутуу ирүүлсэн, тухайн байгууллагаас хамааралтай бусад асуудлаар гэрээ дүгнүүлэх материал ирүүлээгүй тохиолдолд тус газар дахин материал хүлээн авч шийдвэрлэх боломжгүй болохыг анхааруулж байна.
** Нийслэл, орон нутгийн нийт эмийн сангууд 5 дахь жагсаалтад байх “Эмийн сангийн хүний нөөцийн мэдээлэл”-ийг ЗААВАЛ бөглөх шаардлагатай бөгөөд бөглөөгүй тохиолдолд үнэлгээ хийгдэх боломжгүйг анхаарна уу.
Жич: 2026 оны “Даатгуулагчдад эмийн үнийн хөнгөлөлт үзүүлэх үйлчилгээг худалдан авах гэрээ”-г цахимаар хийх тул цахим гарын үсгийн бэлэн байдлыг хангана уу.
